കളമശേരി കെ.എൽ. സി.എ കരിയർ ഗൈഡൻസ് സെമിനാർ സംഘടിപ്പിച്ചു

വരാപ്പുഴ അതിരൂപത കളമശ്ശേരി വിശുദ്ധ പത്താം ഇടവക കെ എൽ സി എ യുടെ നേതൃത്വത്തിൽ കരിയർ ഗൈഡൻസ് & ആപ്റ്റിറ്റ്യൂഡ് ടെസ്റ്റിങ് സെമിനാർ നടത്തി. പ്രസിഡൻ്റ് അഡ്വ.ജോസഫ് ചേലക്കാടിന്റെ അധ്യക്ഷതയിൽ ആരംഭിച്ച സെമിനാർ,വരാപ്പുഴ അതിരൂപത വൈസ് പ്രസിഡന്റ് ഡോ. സൈമൺ കൂമ്പയിൽ ഉദ്ഘാടനം ചെയ്തു. ഇടവക വികാരി ഫാ. ജോർജ് കുറുപ്പത്തിൻ്റെ സാന്നിധ്യത്തിൽ സെന്റ് ബ്രിജിറ്റ് കോൺവെന്റ് മദർ സുപ്പീരിയർ Sr.അനു, Rev. Sr. ഫെലീസിറ്റ, അതിരൂപത വൈസ് പ്രസിഡന്റ് ഫില്ലി കാനപ്പിള്ളി,മേഖല സെക്രട്ടറി ബാബു കൊച്ചു വീട്ടിൽ ഇടവക വിദ്യാഭ്യാസ ഫോറം കോർഡിനേറ്റർ അനഘ സാജു, അൽമായ ശുശ്രൂഷ കോഡിനേറ്റർ റോസമ്മ ജോർജ് എന്നിവർ ആശംസകൾ നേർന്നു.അതിരൂപത പ്രോഗ്രാം കോഡിനേറ്ററും
വരാപ്പുഴ അതിരൂപതാ വൈസ് പ്രസിഡന്റുമായ ശ്രീ.ബാബു ആന്റണി റിസോഴ്സ് പേഴ്സൺ ശ്രീമതി. സരിത ബാവേലിലിനെ പരിചയപ്പെടുത്തി.
കെ എൽ സി എ അതിരൂപത വിദ്യാഭ്യാസ ഫോറത്തിന്റെ കീഴിൽ നടത്തിവരുന്ന കരിയർ ഗൈഡൻസ് സെമിനാർ പ്രോഗ്രാം കുട്ടികൾക്കും മാതാപിതാക്കൾക്കും ഒരുപോലെ പ്രയോജനപ്രദമായിരുന്നു.
കുട്ടികളുടെ അഭിരുചിക്കനുസരിച്ച് എങ്ങനെ നല്ല കോഴ്സ് തിരഞ്ഞെടുക്കാമെന്നും, സാമ്പത്തികമായി പിന്നോക്കം നിൽക്കുന്നവർക്ക് കൂടി പ്രയോജനകരമായ വിധത്തിൽ വളരെ ലളിതമായും എന്നാൽ ശാസ്ത്രീയമായും ശ്രീമതി സരിത അവതരിപ്പിച്ചു.
വിവിധ സ്കോളർഷിപ്പുകളെ കുറിച്ചും പരാമർശിക്കുകയുണ്ടായി
സെമിനാറിൽ നിന്നും പുതിയതായി ധാരാളം അറിവുകൾ ലഭിച്ചുവെന്ന് വിദ്യാർത്ഥികളും മാതാപിതാക്കളും ഒരുപോലെ സാക്ഷ്യപ്പെടുത്തി. ഭാവിയിൽ തൊഴിൽ രംഗത്ത് ഉണ്ടാകാനിടയുള്ള സാധ്യതകളെക്കുറിച്ച് ശ്രീമതി സരിത വിശദീകരിച്ചു. 60 – ഓളം വിദ്യാർത്ഥികളും 26 മാതാപിതാക്കളും പങ്കെടുത്തു. നമ്മുടെ സമുദായത്തിന്റെ ഉന്നമനത്തിനായി
ഇതുപോലുള്ള സെമിനാറുകൾ സംഘടിപ്പിക്കുന്ന അതിരൂപത കെ എൽ സി എ യെ മാതാപിതാക്കൾ പ്രത്യേകം അഭിനന്ദിച്ചു.
കെ എൽ സി എ പത്താം പീയൂസ് ഇടവക യൂണിറ്റ് സെക്രട്ടറി ജെസ്സി പീറ്റർ ഏവർക്കും നന്ദി പറഞ്ഞു.